Хан-Уул  дүүргийн  IV хороо Нүхтийн аманд шинээр барьж байсан барилга хоёр хоногийн өмнө нурж зургаан хүн дарагдаж  нэг нь нас барсан билээ.  Барилгын ажлыг мэргэжлийн бус хүмүүс гүйцэтгэж  байснаас болж  энэхүү осол гарсан гэд­гийг урьдчилсан байдлаар тог­тоосон. О.Мэндсайханы  эзэмш­лийн гурван айлын энэхүү амины орон сууцыг тойрсон асууд­лууд ар араасаа урган гарч байна. Зөвшөөрөлгүй,  зураг төслөө хариуцсан газ­раар батлууллаагүй, мэргэж­лийн барилгын бригад ажиллуулаагүй зэргээр хууль бус олон үйлдэл илэрч байгаа юм. Барилга нурсан шалтгааныг тодруулахаар МХЕГ, НОБГ, Хан-Уул дүүргийн Цагдаагийн хэлтэс зэрэг газрууд ажиллаж байна. Асуудлын эргэн той­ронд юу болж буйг сурвалжлахаар эхний ээлжинд МХЕГ-ыг зорьсон юм.  Уг хэрэгт тус газрын Дэд бүтцийн хяналтын албаны байцаагч нар дүгнэлт гаргахаар  ажилаж байгаа билээ. Дэд бүтцийн хяналтын албаны дарга Л.Батбаатараас асуудлыг тодруулахад “Тусгай хамгаалалтай газар нутагт амины орон сууц барих ёсгүй. Манай байцаагч нар барилга нурсан шалтгааныг тодруулахаар ажиллаж байна. Асуудал тодорхой болохоор дэлгэрэнгүй мэдээлэл өгнө.  Ямар ч байсан манайхаас зөвшөөрөл аваагүй юм билээ. Хэргийн материалыг цагдаа аваад явсан.

 

 

 

Америкт үнэгүй юм гэж үгүй хэмээн зарим хүмүүс ярьдаг боловч хайвал боломжууд байдаг юм байна.

Үүнээс нэгийг нь товч өгүүлрүүн: Чикаго хотын төв орчим байрладаг John H Stroger Jr Hospital of Cook County

Ихэнхи хүмүүс энэ эмнэлэгийн талаар мэдээлэлтэй байдаг боловч зарим нэг мэддэггүй хүмүүст нь хэрэг болох болов уу хэмээн бодлоо.

Хоёр сая монголчуудаас өвчтэй зовлонтой хүнийг нь тоолбол маш цөөхөн тоо гарч ирнэ. Гэтэл хорин сая хүнийг ч үнэгүй эмчилчих хүчин чадалтай том эмнэлэг John H Stroger Jr Hospital of Cook County гэж байдгийг хэзээний мэдэх боловч судалж үзээгүй байгаад ахын маань элэг өөрчлөлтэй гарсан учир судалж үзлээ.

Яаж үнэгүй үзүүлж эмчлүүлэх вэ? гэдэг талаас нь олон хүнээс ч асуусангүй. Тус эмнэлэгт энэ чиглэлээр эмчилгээ хийлгэж буй сайн танил болох монгол хүнээс асуухад завгүй цаг үе нь таарах шиг боллоо, үнэгүй үзүүлэж эмчлүүлэх талаар тодорхой мэдээлэл олж авсангүй.

 

 

 

Монголын Үндэсний Кино Урлагийн Академаас санаачлан зохион байгуулдаг "Academy awards-2012" кино наадам, Академийн Дээд  Шагнал гардуулах ёслол хүндэтгэлийн ажиллагаа өчигдөр УДЭТ-т болж, шилдгүүдээ нэрлэлээ. Хоёр дахь жилдээ зохиогдож буй энэ наадамд 2011 оны нэгдүгээр сарын 1-нээс энэ оны тавдугаар сарын 1-нийг хүртэлх хугацаанд бүтээгдэж, дэлгэцнээ гарсан Монголын нийт 15 кино 16 номинацид өрсөлдсөнөөс "Wisdom Film" продакшн, найруулагч Ж.Сэнгэдоржийн бүтээл "Бодлын хулгайч" кино шилдгийн шилдэг кинонд олгох гран-при шагнал хүртсэнээс гадна таван номинацид шагнал хүртсэн юм. 

Монголын кино урлагийн шилдгийн шилдэг кино, уран бүтээлчийг шалгаруулдаг "Academy Awards-2012" наадмын шилдгүүд ийн тодорлоо.

 

Зуны эхэн сарын шинийн 15 нь Бурхан Багшийн Эхийн хэвлийд оршсон, Төгс гэгээрлийг олсон, Нирваан дүрийг үзүүлсэн гурван зохионгуй давхацдаг Бурхан Шашинтны хамгийн том тэмдэглэлт баяр юм. Энэхүү баяраа Монголын Бурханы Шашны “ЗАНАБАЗАР” төв уламжлалт ёсоор хүүхдийн баяртай хамтатган тэмдэглэх гэж байна.

Баярын үйл ажиллагаа 2012 оны VI сарын 3-ний Ням гаригт Berkeley хотын Shorebird Park -д болно.


Энэ удаагийн бидний баярт Монгол Гэгээн Ажаа Ринбүүчи морилж сургаал номоо айлдахаас гадна хүрэлцэн ирсэн сүсэгтэн олонд Бурхан Багшийн ариун лагшингийн эрдэнийн үрлээр (чандар) адис хүртээнэ.

 

 

 

Америкийн Монголчуудын сагсан бөмбөгийн аварга шалгаруулах 11 дэх удаагийн уламжлалт тэмцээн 6-р сарын 23-24 өдрүүдэд Калифорни мужийн Эл Серрито хотноо явагдана. Тэмцээнийг Монгол Улсаас АНУ-ын Сан-Франциско хотноо суугаа Ерөнхий Консулын Газар (ЕКГ), Бэй Аэриагийн Монголчуудын Холбоо (БАМХ), Америк дахь Монгол Оюутнуудын төрийн бус байгууллага (MSNOA), “Замдаан” сэтгүүл, “Таван Цагариг Америкт” сэтгүүл хамтран зохион явуулахаар бэлтгэж эхлэлээ.

Анх 2001 онд Дэнвер хотоос гараагаа эхэлсэн энэхүү уламжлалт тэмцээн Монголчууд төвлөрөн суугаа хотуудаар дамжин зохиогдсоор энэ жил нарлаг Бэй Аэриад эргэн ирж байна. Эргэн ирлээ хэмээсэний учир нь 2008 онд 8 дахь удаагийн тэмцээн Бэй Аэриагийн Аламеда хотноо амжилттай зохиогдож арав гаруй  багууд арга техник хурд хүчээрээ өрсөлдөж байсан билээ.

 

 

 

2012 оны 4 дүгээр сарын 12-нд Калифорнийн Оakland хотын Cesar E. Chayez Educational Center Auditorium-д болж өнгөрсөн энэхүү цуглаан нь АНУ-ын Цагаан ордноос явагдсан бөгөөд баруун эрэг дахь Азийн жижиг орнуудыг олон нийтэд танилцуулах, тухайн орнуудаас ирсэн иргэдийг хууль зүйн, эрүүл мэндийн мэдээ мэдээллээр хангах зорилгоор  анх удаагаа зохион байгуулагдлаа. Үүнд Монгол улс тодорхой санал хүсэлт тавилаа. Видеог ЭНДЭЭС үзнэ үү.

 

Анхаарал тавьсанд баярлалаа.

 

Хүндэтгэсэн, 

 

MGL studio