"Mongolian Saturday School"-ын монгол хүүхдүүдэд сонсгол ярианы дадлага хичээл заалаа PDF Хэвлэ Имэйл
Дотоод Мэдээ
2016-05-30, Даваа

Image 

Их Британы Нотинхам хотод байрлах "Их Британы Монгол Боловсролын Төв"-ийн (UKMEC) урилгаар "Mongolian Saturday School"-ын монгол хүүхдүүдэд сонсгол ярианы дадлага хичээл заалаа. Хичээлийг "Мөнгө, мөнгөний үнэ цэнэ" сэдвээр явуулахад хүүхдүүд хичээлд идэвхтэй сайн оролцлоо.

Мөнгөөр худалдагдсан үүлнүүдийг хоёр багийн хүүхдүүд хамтарч, гурав гурван даалгавар гүйцэтгэн, нарыг үүлнээс бүрэн чөлөөлснөөр хичээлийн зорилго хангагдах юм. £20 -аар хүнсний бүтээгдэхүүн худалдаж авах ажлын гүйцэтгэлийг нэг баг нь төсвөөс бага зэрэг хэтрүүлсэн бол нөгөө баг нь £19.49 -д бариулан тун сайн ажиллалаа. Мөнгөөр худалдаж авч болох, болохгүй зүйлийн тухай ярилцахад хүүхдүүд " Хайр, гэр бүл, эрүүл мэндийг мөнгөөр авч болохгүй" хэмээн ярьцгаав.

Гадаад оронд эх орноо таниулан сурталчлах хүнд хэцүү бөгөөд хүндтэй үүргийг гүйцэтгэж буй тус төвийн удирдлага, хамт олон болон энэ хичээлийн жилд монгол хэлний сургалт зохион байгуулж, удирдан явуулсан Г.Оюунтуул, Д.Оюунчимэг багш нартаа талархал илэрхийлье!

Хүүхдүүд өгөгдсөн даалгавраа амжилттай гүйцэтгэн тэнгэрийн, итгэлийн, сэтгэлийн нарыг мандуулснаар бидний хичээл өндөрлөсөн юм.


Маш их баярлалаа.

Их Британы Монгол Боловсролын Төвийн хамт олон

Нотинхам хот
2016-05-28

 

 
“МОНГОЛЫН СОЁЛЫН ӨДРҮҮД” АРГА ХЭМЖЭЭ ЗОХИОН БАЙГУУЛАВ PDF Хэвлэ Имэйл
Америкийн Монголчууд
2016-05-15, Ням

Image 

Монгол соёл, өв уламжлалыг сурталчлах зорилгоор тус ЭСЯ Дэлхийн банктай хамтран 5 дугаар сарын 2-оос 4-ний өдрүүдэд “Монголын соёлын өдрүүд” арга хэмжээг анх удаагаа Дэлхийн банкны төв байранд амжилттай зохион байгуулав.

Арга хэмжээг нээж Элчин сайд Б.Алтангэрэл, Дэлхийн банкны Монголын асуудал хариуцсан орлогч захирал Ж.Алфорд нар үг хэлж Төрийн департаментийн Ази номхон далайн орнуудын асуудал хариуцсан Туслах нарийн бичгийн даргын орлогч Сюзан Торнтон тэргүүтэй төлөөлөгчид, АНУ-д сурч, ажиллаж амьдарч буй манай улсын иргэд болон Олон улсын байгууллагуудаасуригдсан бусад зочид оролцов.

 

 
НЬЮ-ЙОРК ХОТОД МОНГОЛ СУРГУУЛЬ НЭЭЛТЭЭ ХИЙЛЭЭ PDF Хэвлэ Имэйл
Америкийн Монголчууд
2016-05-15, Ням
Image 
 
Нью-Йоркийн монгол сургуулийн нээлт 5 дугаар сарын 6-нд Монгол Улсаас НҮБ-ын дэргэд суугаа Байнгын төлөөлөгчийн газрын байранд болов. Элчин сайд, Байнгын төлөөлөгч С.Сүхболд нээлтийн ажиллагаанд хэлсэн үгэндээ гадаадад ажиллаж, амьдарч буй монголчуудад төрөлх хэл соёлоо уламжлан үлдээх нь Монгол төрийн чухал бодлого хэмээгээд Нью-Йорк хотод монгол сургууль байгуулах санаачилгыг гарган байраар хангаж байгаа талаар танилцуулав. Тэрбээр цааш нь хэлэхдээ энэ санаачилгад эцэг эхчүүдийн дэмжлэг чухал болохыг тэмдэглэж, цаашид хамтын хүчээр сургуулиа хөл дээр нь босгож, хамтран ажиллахыг уриалав.
 
 
МОНГОЛЫН ЭРДЭНЭС -7: ТАЛАРХАЛ PDF Хэвлэ Имэйл
Америкийн Монголчууд
2016-05-15, Ням

Image 

Баруун эргийн байгалийн үзэсгэлэн дээр үндэснийхээ хувцсаар өнгө товойлгож, Номхон далайн усны түрлэгтэй Монгол аялгууг хоршуулан, элэг нэгт ахан дүүсийнхээ элгийг дэвтээж сонорыг мялаасан Монголын Эрдэнэс тоглолт АНУ-ын Окланд хотод амжилттай болж өндөрлөлөө.

Гэр төвийн дэргэдэх Би Монгол сургуулийн сурагчдын энэхүү урлагийн тоглолт нь хүүхдүүдийн маань хичээл зүтгэл, багш нарын маань ундарсан их авьяасаар байнга сүлэгдэж байдаг билээ. Энэ удаагийн тоглолт нь бүжгийн багш, МУСТА Д.Батзоригийн дэглэсэн “Тува охин” “Үглээ шаазгай” зэрэг шинэ бүжгүүд үзэгч олныг баясгаж, хөгжмийн зохиолч, МУСТА Ц.Төмөрчөдөрийн зохиосон “Би дуучин охин” шинэ дуу болон бүжгийн хөгжмүүд тайзнаа дуурсан чухам л шинэхэн уран бүтээлээр дүүрэн амьсгалж байлаа. Монгол хэлний багш Ю.Цогтчимэгийн шавь нар мөр мөр шүлгүүдийг эх сайхан хэлээрээ цэвэр тод уншиж ээж, аав, эгч ax нараа онцгой баярлуулав.

 

 
50 ба 1 буюу Хөх оргилийн өргөл PDF Хэвлэ Имэйл
Монголын Мэдээ
2016-05-04, Лхагва
Image 
 
Азийн цэнхэр  Алтай нутагт мэндэлж  манай утга зохиолын нэгэн сүмбэр оргил болон өсч ургасан  Д.Нацагдоржийн шагналт зохиолч,  Соёлын гавъяат зүтгэлтэн Санжийн Пүрэв абугай өглөө болгон нүүр номын хуудаснаа ганцхан өгүүлбэр нийтлэх нь тэр өдрийн утгын чимэг  болдог.  Юу ч болоогүй мэт өнөө л өгүүлбэрийг нь баясан хүлээдэг мань мэт  өчигдөрхөн нэгэн гэнэтийн мэдээ дууллаа.

Зохиолч Д.Энхболд ах ...“Пүрэв баавай маань хүндээр өвджээ. Өвчин хөлийн хуруунаас нь дээшээ авирч байна. Энэ  өвчин хэцүү. Одоо буурал баавайг сорж хүн хөлдөж очдог тэр ертөнц рүү чирж байна. ТУСАЛЦГААЯ.

Энэ үгийг зохиолыг нь уншиж киног нь үзэж инээж уйлж баярлаж гуниглаж явсан бүх үзэгч уншигч олонд хандан хэлж байна. 70 сая төгрөгтэй болчихвол БААВАЙ маань хөлгүй ч зохиол бичдэг зүрх сэтгэлтэйгээ үлдэх юм ...”  гэж  халаглан бичсэнээр яав ийв болов.

Тэр хүнд өвджээ. Энэ мэдээг зохиолч Х.Болор-Эрдэнэ, яруу найрагч Болорцэрэн, зохиолч Л.Батбаяр, яруу найрагч Х.Тэргэл, Энхболд ахын гэргий Д.Эрдэнэбаяр,  АМН-ийн Цэрэнбат гээд  таньж мэдэх олон хүн   халаглан хүлээн авч хэрхэн туслах талаар санаа бодлоо хуваалцаж байна.  Бас  нийтийн сүлжээний мэдээ, цахим  хуудаснаа ч  санал санаачлагууд гараад эхэлжээ.
 
 
"ИД ШИДИЙН ОРОН" төсөл АМЕРИКТ PDF Хэвлэ Имэйл
Америкийн Монголчууд
2016-05-04, Лхагва
Image 
 
Хүний наймаа, хүчирхийлийн эсрэг, хүүхэд хамгааллын чиглэлээр өдгөө Монголд жирийн залуусын дуу хоолой болж, энэ талаар бодитой санаачлагуудыг ажил хэрэг болгож буй ТББ бол "Лантуун дохио". Сайхан нэрүүдээр төсөл зохиож төслөөр олдсон мөнгөнүүдийн ихэнхийг нь хуваан завшиж, хийсэн жаахан ажлаа "Ялааг заан болтол" нь сурталчилж сүржигнэдэг олон ТББ-уудаас эд огт өөр. Хууль дүрэм журам нь цаасан дээр байдаг ч амьдралд хэрэгждэггүй "Хүний эрх" тэй холбоотой хүний наймаа, хүчирхийллийн эсрэг, хүүхэд хамгааллын асуудлаар тэд олон бодитой санаачлагуудыг хийж хэрэгжүүлж байгаа нь хүмүүсийн анхааралд өртөж, олон олон хүмүүс, залуус тэднийг дэмжиж ажиллах болсон. Тэд ийм ажлуудаа "халуун сайхан сэтгэл"-ийн илчээр хийдэг болохоор, хийж буй ажлууд нь ил тод тодорхой, хэн хүнд ч ойлгомжтой байдаг болохоор хүмүүс тэднийг ойлгож чин сэтгэлээрээ дэмждэг юм.
 
 
АНУ-дахь монгол оюутнуудын "НАДАД ХЭЛЭХ ҮГ БАЙНА-6" арга хэмжээ Сан-Францискод PDF Хэвлэ Имэйл
Америкийн Монголчууд
2016-05-04, Лхагва
Image 
 
Америкт суралцаж, ажиллаж буй монгол залуусын дунд жил бүр уламжлал болгон зохион байгуулагддаг "Надад хэлэх үг байна?" арга хэмжээ 6 дахь удаагаа Сан-Франциско хотод өнгөрсөн 3 сарын 19 ний өдөр зохион байгуулагдлаа. Яг 5 жилийн өмнө энэ арга хэмжээний 2 дахь удаагийнх Сан-Франциско хотод зохион байгуулагдаж байсан юм. Тэр үед зохион байгуулалтын ажлыг хариуцаж байсан Д.Жанцанхорлоо маань сургуулиа төгсөж хүний эрхийг хамгаалах чиглэлээр ажиллаж байгаа бөгөөд энэ жилийнхийг мөн л Америкт ажиллаж амьдарч байгаа залуусынхаа хамт зохион байгуулав. Сан-Франциско хотод монгол оюутан залуусын байгууллага тогтмол ажиллаж, үр дүнтэй олон ажлууд болон санаачлагуудыг хэрэгжүүлж байдаг нь түүний зүтгэлийн үр шим мөн.
 
 
Гольфийн ногоон дэвжээндээ өрсөлдөж, Хурдан морины тоосонд даруулъя PDF Хэвлэ Имэйл
Дотоод Мэдээ
2016-05-04, Лхагва
Image 
 
Монголчуудын уламжлалт гольфийн тэмцээн эхлэхэд хэдхэн хоног үлдээд байна. Үзэгсэлэн төгс уулсын дунд нүүгэлтэн орших Дэнвэр хотоос Soil Trade Cup нэрээр гараагаа эхэлсэн энэхүү тэмцээн өргөжин тэлсээр Монголчуудын Нээлттэй Цомын тэмцээн (Mongolian Open Cup) гэгдэх болж, энэ жил анх удаагаа бууриа сэлгэж хурдан морины өлгий гэгддэг Кентакки мужийн Льюсвилл хотод, Хэритэж Хилл контри клуб-д зохиогдох болсон билээ. Тэмцээний зохион байгуулалтын ажил үндсэндээ цэгцэрч, оролцох тамирчидын уяа сойлго таарч, улмаар жигүүр ургах л дутуу байх шиг байна.

Дөрөв дэх удаагаа зохиогдох гэж буй "Нээлттэй Цомд" Америкийн Нэгдсэн Улсад оршин суугаа олон гольфчид хот муж бүрээс цуглан оролцохоос гадна Монголоос шилдэг тоглогчид хүрэлцэн ирж байгаа нь тэмцээнийг улам ч сонирхолтой, өрсөлдөөнтэй болгож байна. Мөн тамирчидын чанар чансаа үлэмж сайжирсан болохыг энд дурдахгүй өнгөрч боломгүй буй заа.
 
 
ЭРДМИЙН БАЯР- 2016 оны 4 сарын 10 PDF Хэвлэ Имэйл
Америкийн Монголчууд
2016-04-12, Мягмар
Image 
 
Би монгоолороо ярина
Би монголоороо уншина
Би монголоороо бичнэ
Би монголоороо дуулна
Би монголоороо бахархана уриан дор Оакланд хот дахь Гэр хүүхдийн төв,Би Монгол сургуулийн монгол хэлний ангийн сурагчид “Эрдмийн баяр”аа амжилттай сайхан хийлээ.

 

1-р ангийн 14 сурагч Цагаан толгойн үсгээ сурч, монголоороо уншиж, ярьж сурсандаа баяр хөөртэй байлаа. Тэдний дундаас 1-р ангийн сурагч О.Эгнэгт “Манлай сурагч”, 2-р ангийн П.Нандин “Цэвэр бичигтэн сурагч”, 3-р ангийн Б.Анужин “Хичээнгүй нямбай сурагч”, С.Амартөр “Түргэн уншигч” сурагчаар шалгарлаа. 2-р ангийн сурагчид үг бүтээх тоглоом тоглож, 3-р ангийн сурагчид “9 Эрдэнэ”шүлгийг уран тод уншиж ээж,аав, багш нараа баярлуулав. Эрдмийн баярт хүрэлцэн ирсэн зочид, үеийн найз нартаа бүжгийн ангийн сурагчид баяр хүргэж, үндэсний бүжиг, нугаралтаар бэлэг барив.

 

 
“УТГЫН ЧИМЭГ” УРАН УНШЛАГЫН УРАЛДААН САН ФРАНЦИСКО ХОТОД БОЛЛОО PDF Хэвлэ Имэйл
Америкийн Монголчууд
2016-04-12, Мягмар
Image 
 
АНУ дахь монголчуудын дунд болдог “Утгын чимэг” богино өгүүллэгийн уран уншлагын уралдаан Сан Францискогийн Бэй Аэриагийн Оакланд хотноо 4 дүгээр сарын 9-ний өдөр амжилттай болж өнгөрлөө.

Уралдаанд Лос Анжелес, Сан Франциско, Чикаго, Оакланд, Аламеда зэрэг хотоос 12 уран уншигч оролцсоноос тэргүүн байранд Т.Оюун, дэд байранд Ш.Азжаргал, гуравдугаар байранд Б.Энхжаргал шалгарав.
 
Энэ жил 8 дахь удаагаа болж байгаа уралдааныг Лос Анжелес дахь “Монгол номын сан”, тус хот дахь Монголчуудын холбоо, Сан Францискогийн Бэй Аэриагийн Монголчуудын холбоо хамтран зохион байгуулсан юм.
 
 
МОНГОЛ СУДЛАЛААР АМЬСГАЛСАН СИАТЛЬ PDF Хэвлэ Имэйл
Америкийн Монголчууд
2016-04-12, Мягмар
Image 
 
4 дүгээр сарын 1-нд Сиатль хотноо АНУ-ын “Монгол нийгэмлэг” /The Mongolia Society/-ийн 2016 оны ээлжит уулзалт, эрдэм шинжилгээний бага хурлаас гадна Америкийн монгол судлалын төв /The American Center for Mongolian Studies/ байгууллагын дэмжигчдийн уулзалт, ТУЗ-ын хурал боллоо.

Америкийн монгол судлалын төв /The American Center for Mongolian Studies/ нь 2002 онд байгуулагдсан бөгөөд өөрсдийн Төлөөлөгчийн газар, судалгааны номын сангаа 2004 онд Улаанбаатар хотноо байгуулжээ.

Тус байгууллага нь Монгол Улсад Археологийн хээрийн судалгааны хөтөлбөр, Номын тэтгэлэгт хөтөлбөр, Монголд зориулсан ном хөтөлбөр, Соёлын өвийг хамгаалах хөтөлбөр зэрэг олон хөтөлбөр, төслийг хэрэгжүүлдэг ажээ.
 
 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 67 - 77 - 2299